Arben Ahmetaj është ministri "qejfli" dhe ndër më të preferuarit e Rilindjes. Ai është në garë për deputet në Tiranë, ku u prezantua para pak ditësh nga kryebashkiaku Erion Veliaj. Teksa kërkonte votën e shqiptarëve, Ben Tigri premtoi se ndër të tjera do bëhet i mundur uji 24 orë, pasi nuk kanë mjaftuar 8 vite qeverisje. Ndërkohë për të reklamuar veten ai ka vendosur disa banera politikë në kryeqytet, por mesa duket nuk janë pritur mirë nga qytetarët. Kjo sepse një video ka mbërritur në redaksinë JOQ Albania, ku një qytetar shprehet mjaft i revoltuar me figurën e Benit. Ai ka tentuar të djegë banerin, por nuk ia ka dalë dot ta bëjë diçka të tillë dhe për këtë arsye ka vendosur ta grisë atë. "E grisa sepse nuk digjen komunistët"- shprehet ndër të tjera qytetari.