Të paktën 10 persona kanë vdekur dhe 400 të tjerë janë aktualisht të shtruar në spital pasi kanë pirë lëng portokalli në Nigeri. Kjo u zbulua nga Komisioneri Shtetëror për Shëndetësinë, Aminu Ibrahim Tsanyawa të Enjten. Tsanyawa deklaroi se midis atyre të shtruar në spital janë 50 pacientë që i nënshtrohen trajtimit të lidhur me veshkat, për shkak të ndërlikimeve që vijnë nga konsumimi i pijeve vrasëse.
Ai paralajmëroi banorët për konsumimin e lëngut gjatë periudhës së Ramazanit, për të shmangur pasojat katastrofike.
Mediat vendase kanë raportuar se një muaj më parë, katër persona u konfirmuan të vdekur dhe 189 të tjerë në trajtim për helmim nga konsumimi i lëngut të skaduar në shtet. Agjencia Kombëtare e Administrimit dhe Kontrollit të Ushqimit (NAFDAC) tha se helmi erdhi nga uji i qeses së skaduar dhe një lëng i prodhuar në vend. Incidenti erdhi në dukje pasi qindra persona në metropolin Kano u shtruan në spital me raste të vjella të shpeshta, marramendje dhe gjak në urinim. Zyrtarët shëndetësorë fillimisht menduan se sëmundja ishte një shpërthim i etheve Lassa. Sidoqoftë, ekzaminimi laboratorik pasues zbuloi një rast të helmimit nga ushqimi.
