Disa çaste më parë është regjistruar një ngjarje e rëndë në fshatin Sulaj të qytetit të Fierit, ku një 33-vjeçar është plagosur me armë zjarri nga një 44-vjeçar për motive të dobëta. 44-vjeçari është shpallur në kërkim, ndërsa policia ka ngritur pika kontrolli në qytetin e Fierit. Grupi hetimor nën drejtimin e Prokurorisë po vijon punën për zbardhjen e rrethanave të ngjarjes. Vijon...
Njoftimi:
Fier/Informacion paraprak. Plagosi me armë zjarri një shtetas, identifikohet dhe shpallet në kërkim autori i dyshuar. Vijon krehja e zonës për kapjen e tij.
Sot rreth orës 14:00, në fshatin Sulaj, Fier, shtetasi R. M., 44 vjeç, në rrethana e motive ende të paqarta ka plagosur me armë zjarri pistoletë shtetasin P. P., 33 vjeç, i cili ndodhet në spitalin e Fierit nën kujdesin e mjekëve. Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Fierit për kapjen e autorit. Grupi hetimor nën drejtimin e Prokurorisë vijon punën për zbardhjen e rrethanave dhe motivit të ngjarjes.
