Kina e ka kaluar krizën ekonomike të shkaktuar si pasojë e Covid dhe e ka nisur vitin me rritje rekord. Ekonomia e Kinës u rrit me 18.3 %gjatë tremujorit të parë të vitit 2021, krahasuar me tremujorin e parë të vitit të kaluar. Kjo është rritja më e madhe në 30 vjet që kur Kina filloi matjen e parametrave ekonomikë çdo tremujor. Kujtojmë se një vit më parë ekonomia kineze u godit rëndë si pasojë e pandemisë Covid pasi çdo aktivitet u pezullua. Menjëherë sapo masat kufizuese u hoqën, ekonomia kineze filloi ë rritej me ritme të shpejta. Edhe Fondi Monetar Ndërkombëtar parashikon që rritja vjetore e ekonomisë së Kinës do të jetë këtë vit 8.4 %. Vetë qeveria kineze është treguar më e përmbajtur për të caktuar objektivat e rritjes dhe më herët këtë vit tha se pritshmëritë janë për “mbi 6 %”.
Në lidhje me këtë rritje të shpejtë, rol kryesor ka luajtur tregtia e jashtme. Fabrikat kineze janë fokusuar kryesisht në prodhimin e pajisjeve shëndetësore, si teste për Covid apo veshjet mbrojtëse për mjekët.
Burimi: CNN|Përktheu dhe Përshtati: JOQ Albania
