Andi Bushati, është paraqitur sot në SPAK pas publikimit në portalin e tij të një database që i përkiste Partisë Socialiste. Atje shfaqeshin të dhënat e 910 mijë qytetarëve duke filluar nga id, numri telefonit dhe vendi i punës, teksa në koment shkruhej nëse qytetari do të votonte Rilindjen apo jo.
Para gazetarëve ai është shprehur:
Më thoni një gazetar tjetër që nuk do kishte vepruar kështu. E kemi patur një javë para publikimit. Nuk kam besim se Prokuroria do e gjejnë të vërtetën e kësaj ngjarje. Kur krimi shkon shumë lart, është shumë e vështirë. Prokurorët ishin të interesuar se kush ishte burimi dhe si kishim rënë ne në kontakt me këtë. Sot pashë një shkrim të kolegut tim dhe tuaj dhe ka dorëzuar të dhënat e tij për pashaportën e tij, dhe vetëm e-albania i ka të dhënat e tij.