Bora Muzhaqi: Edi Rama lider me vizion, mbjell sot për të korrur nesër!

Bora Muzhaqi është kandidatja për deputete në radhët e PS, e cila tërhoqi vëmendjen e shqiptarëve me sjelljen e saj të çuditshme, mbrëmjen e hapjes së fushatës. Teksa fliste, ato që dhe vetë nuk i kuptonte, Muzhaqi nuk mbante dot të qeshurat. Ndërsa sot, në një takim me gratë dhe vajzat e Tiranës, ajo nuk ka ndenjur dot pa thurur lavde ndaj Edi Ramës. Sipas saj, Rama është një lider, i cili mbjell sot për të korrur nesër. Këtu ajo ka sjellë në mendje kumbullat e kuqe në “Rrugën e Kavajës”.

Muzhaqi u shpreh:

Sot sa herë që shkoj te shtëpia e prindërve të mi, shfrytëzoj korsitë e biçikletave që kryetari i bashkisë i ka ndërtuar për ne dhe bukurinë e kumbullave të kuqe, që kryetari i dikurshëm i bashkisë mbjelli për ne dhe kjo tregon me inovacion, një lider me vizion, një lider që mendon për të ardhmen, që mbjell sot për të korrur nesër. Jam sot për të përfaqësuar PS, sepse kam besim. Jo vetëm ka marrë reformat ë rëndësishme por duhet të vazhdojë t’i marrë ato.