Situata e krijuar nga pandemia Covid ka qenë një çështjet më të diskutuara nga ekspertët në vendin tonë. Në lidhje me këtë, vetë kryeministri Rama është shprehur për mediat se ne ia kemi kaluar edhe Britanisë së Madhe sa i përket menaxhimit të pandemisë, ndërsa sa i përket vaksinimit të popullsisë ne renditemi të dytët pas Serbisë.
Rama tha:
Ne kemi qenë vendi i dytë në Europë që kemi bërë mbylljen e shkollave. Ne prandaj shpëtuam. E di ça do ishte bërë këtu? Kataklizëm! Është një debat botëror ekuilibri mes mbylljes dhe ruajtjes së ekuilibrave psikologjikë. Në raport me Britaninë, ne i kemi shifrat ku e ku më të mira, flas për frymë. Menaxhimi ynë është më i mirë se i Britanisë. Ishte një nga menaxhimet më të habitshme. Britania hyri në një avantazh të madh sepse siguroi vaksinimin masiv. Duke mos qenë pjesë e BE-së, negocoi vetë. Ne në rajon mbetemi në vendin e parë për menaxhimin. Për vaksinimin, Serbia filloi para nesh, pastaj jemi ne të dytët.