Marcus Rashford dhe Bukayo Saka nuk do të luajnë në asnjë pjesë në kualifikimet e Kupës së Botës të Anglisë kundër Shqipërisë dhe Polonisë për shkak të dëmtimeve. Rashford raportoi te St. George's Park një dëmtim në këmbë që e përjashtoi atë nga fitorja 5-0 ndaj San Marinos të enjten dhe, pas vlerësimit të mëtejshëm, është vendosur që ai do të vazhdojë rehabilitimin e tij me Manchester United. Rashford humbi çerekfinalen e Kupës FA të United ndaj Leicester të Dielën e kaluar pasi pësoi problemin në këmbë kundër AC Milan në Ligën e Evropës. Ndërsa Saka pësoi dëmtimin e tij kundër Tottenham para se të luante 74 minuta të barazimit 3-3 me West Ham.
Menaxheri i Anglisë, Gareth Southgate nuk po kërkon asnjë zëvendësim për dy lojtarët. Ky do jetë një lajm shumë i mirë për Kombëtaren tonë e cila shpreson për njê fitore të dielën në “Air Albania”.
Get well soon, @MarcusRashford and @BukayoSaka87 💪
— England (@England) March 26, 2021