“Pordhitika i përçau mjekët”/ Manastirliu s’humbet rastin, pi kafe me mjekun e nderuar: Together Forever

Ditën e sotme mjeku i njohur Tritan Kalo, një nga kritikët e mëdhenj të politikës përsa i përket Sistemit Shëndetësor, është dorëhequr si anëtar i Komitetit teknik të Ekspertëve. Përmes një postimi të gjatë në llogarinë e tij të Facebook, ai u shpreh se dorëheqja e tij ka ardhur për shkak të kritikëve apo edhe politikës që kanë përçarë mjekët, ndërsa shtoi se shumë prej mjekëve u janë premtuar projekte dhe poste, në rast se ndryshon qeveria në 25 Prill.

Ndërkohë, pak më parë ministrja e Shëndetësisë, Ogerta Manastirliu ka postuar një foto me mjekun e njohur, duke mos humbur rastin për të përfituar nga vëmendja që ka marrë për pastërtinë e figurës së tij në profesion, që nuk lejoi politikën ta ndyente duke u dorëhequr.

Ajo shkruan:

Një kafe pune me Prof. Tritan Kalon, që prej shumë kohësh i kemi periodike, për të ndarë mendime e këshilla. Mirënjohje për kontributin e tij të vlefshëm në Komitetin Teknik të Ekspertëve, përgjatë një viti sfidues dhe aspak të lehtë të përballjes me pandeminë Covid19. Prof. Kalo do vazhdojë të japë kontributin e tij në shërbim të pacientëve, si gjithmonë me profesionalizmin dhe ndjenjën e lartë të përgjegjësisë. Bashkë kemi një thirrje: Ju lutemi zbatoni masat.#Maskën #Distancën #Higjienën #Bashkë do ia dalim! Dhe në fund po ia huazoj me leje Prof. Kalos, atë shprehjen që përdor gjithmonë: “Together Forever”