Nëse menduat se Floriana do ndërtonte jetën në Zvicër me bashkëshortin dhe fëmijët, e paskeni patur gabim. Bukuroshja ka ditur të shfrytëzojë miqësitë për t’u katapultuar në politikë. Thuhet se ajo është takuar personalisht me Bashën dhe ky i fundit është shumë i respektueshëm me femrat, sidomos kur këto janë të bukura.
Sot po qarkullon nëpër media lajmi se moderatorja i është bashkuar zyrtarisht Partisë Blu. Nëse do jetë vetëm ‘sa për fushatë’ apo do kandidojë për deputete, ende nuk bëhet me dije, por që vajza e motit ka ambicie të mëdha, kjo është parë me ‘kohë e me vakt’. Askush nuk mund të harrojë fillimet e saj në televizion si prezantuese moti dhe as kur u mendua se do largohej nga Tv-Sandri sapo u nda nga djali i Shefikat Ngjelës.
Pas trupit të bukur dhe buzëqeshjes ‘rrëzëllitëse’ fshihen shumë aspirata dhe ambicie që kur rastisin me njeriun e duhur, bëhen realitet. Nëse nuk fitojnë zgjedhjet, të paktën pd-istët të jenë të sigurtë që e kanë ‘zbukuruar’ partinë, sido që të jetë!
Nga pamfleti