Vijojnë hetimet në lidhje me ngjarjen e rëndë që tronditi Vlorën mesditën e djeshme, ku u ‘eliminua’ 31-vjeçari Tauland Gjikaj. Si autorë të ngjarjes janë identifikuar tre persona, nga të cilët njëri prej tyre i identifikuar si Hans Jonuzaj është arrestuar. Sakaq janë shpallur në kërkim dy persona të tjerë Aleksandër Grabiani dhe Elton Hajnaj. Mësohet se Jonuzi ka kryer rolin e shoferit, pasi edhe mbrëm ai e mohoi të kishte kryer krimin. Jonuzi është filmuar në dy momente, kur është qëlluar makina dhe rasti i dytë është kur ka lënë dy shokët të cilët janë larguar pa lënë gjurmë me një mjet tjetër. Jonuzaj u arrestua te Pylli i Sodës, ku policia sekuestroi makinën “Ford” me targa AA 403 PX, me të cilin u larguan 3 personat, si dhe një armë zjarri kallashnikov më të cilën u 'eliminua' 31-vjeçari Tauland Beqiraj. Kallashnikovi u gjet në sediljen e pasme të mjetit tip 'Ford' që përdorte 44-vjeçari Jonuzi.