Një ngjarje e rëndë tronditi Vlorën ditën e djeshme, ku 31-vjeçari Tauland Gjikaj ( Beqiraj) u 'eliminua' me breshëri kallashikovi në rrugën ‘Transballkanike’ të qytetit. Forcat policore arritën të kapnin njërin nga autorët e ngjarjes, 44-vjeçarin Hans (Andi) Jonuzaj të cilit iu gjet një armë automatike në makinë, ndërsa u shpallën në kërkim bashkëpunëtorët e tij. Arrestimi i tij u bë te Pylli i Sodës, ku policia sekuestroi makinën “Ford” me targa AA 403 PX, me të cilin u larguan 3 personat, si dhe një armë zjarri kallashnikov më të cilën u vra 31-vjeçarin Beqiraj. Kallashnikovi u gjet në sendiljen e pasme të mjetit tip 'Ford' që përdorte 44-vjeçari Jonuzi. Ndërkohë para hetuesve, i arrestuari ka mohuar autorësinë e krimit ku u shpreh: “Nuk e kam kryer unë krimin”. Hetimet në lidhje me ngjarjen janë përqendruar në prishjen e pazareve të drogës, pasi viktima ka patur precedentë të mëparshëm penalë.
