Të gjithëve na kujtohet mëngjesi i 13 gushtit ku një i ri nga Durrësi, i quajtur Xhino Koça, 29-vjeç vendosi t’i jepte fund jetës duke u hedhur nga kati i tretë i spitalit “Shefqet Ndroqi”. Ai ndodhej i shtruar aty sepse ishte i infektuar me koronavirus dhe po merrte trajtimin e nevojshëm mjekësor. Ndërsa kanë kaluar disa muaj që nga ndarja e tij nga jeta familja e tij ka vendosur ta kujtojë në një mënyrë shumë të veçantë me rastin e 30-vjetorit që do e festonte sot. Nëna e tij, stilistja e njohur, Lira Koça ka bërë një postim në Instastory, ku ndër të tjera shkruan:
Edhe pse kanë kaluar muaj që kur ai humbi jetën ende nuk janë zbuluar arsyet që e shtynë drejt këtij vendimi 29-vjeçarin, pasi asokohe edhe vetë spitali “Shefqet Ndroqi” u shpreh në një deklaratë se ai ishte drejt shërimit nga sëmundja. Xhino vinte nga një familje mjaft e njohur në Durrës. Ai ishte djali i stilistes së VIP-ave, Lira Koça dhe kryetarit të Njësisë Administrative nr.2, Leonard Koça, si dhe nipi i humoristit të njohur Roland Koçës.