Kryeministri Edi Rama duket se nuk ka hequr dorë nga projektet 3D dhe propaganda e shëmtuar gjatë këtyre tetë viteve. Ai ka publikuar një tjetër projekt 3D dhe këtë herë bëhet fjalë për hekurudhën e re Tiranë-Rinas-Durrës. Përmes një postimi në llogarinë e tij të “Facebook”, ai shkruan se më në fund do të nisë puna për ndërtimin e hekurudhës pas finalizimit të një pune disavjeçare me Bankën Europiane për Rindërtim e Zhvillim.
Por, ajo që ka nxjerr zbuluar Ramën është fakti se videoja në fjalë është vjedhur nga interneti, ku fare lehtë mund ta aksesojë gjithësecili prej qytetarëve me vetëm një klikim shumë të thjeshtë. Ndër të tjera, videoja është publikuar në vitin 2016, çka tregon se kryeministri ka dashur të manipulojë qytetarët duke menduar se nuk do të zbulohej lehtë. Por, ajo që është akoma më qesharake është fakti se pamjet e hekurudhës janë tamam si memet e publikuara nga shumë rrjete sociale mbi mirëqënien abstrakte të Shqipërisë. Epo shijoni 3D miq, se realiteti është shumë larg. Kryeministri ynë i “dashur” ka preferuar të mashtrojë shqiptarët me projekte të tilla, vetëm për t'u mbushur mendjen për votat e 25 Prillit.
