Kryeministri Edi Rama, në një konferencë të përbashkët me Ministrin për punët e jashtme të BE-së, Josef Borell dhe komisionerit për zgjerim të BE-së Oliver Varheley, nuk i kurseu pakënaqësitë, por edhe kritikat për lënien jashtë të Shqipërisë nga procesi i vaksinave anti-covid, ndërsa theksoi se populli shqiptar mbeti i tronditur.
Më konkretisht, Rama është shprehur se:
Faleminderit shumë, zoti Borell Varheley, të gjithëve këtu, që na ofruan një mikpritje në këtë kohë të çuditshme. Së pari ju them se ne vlerësojmë shumë përpjekjet e bëra nga Komisioneri për të qenë në anën tonë në këtë moment kaq delikat kur ne Shqipëria dhe vendet e tjera të rajonit u lamë mënjan në shpërndarjen e vaksinave. Ishte një moment tronditës për njerëzit tanë, pasi siç e dini ne nuk jetojmë në kufi me BE, por jetojmë brenda kufirit të BE. Duke pasur të sëmurët tanë e ndjen që ne nuk kishim vaksinat në të njëjtën kohë si të tjerë. Ne e dimë siç janë gjërat, sot ka 140 vende që nuk kanë nisur vaksinimin, sot ka 10 vende që prodhojnë. Jam i lumtur qe të shpallë bashkë me ju se COVAX të shpërndajë dozat e para, jemi shumë të lumtur që të marrim dozat e para të AstraZeneca. Jam shumë lumtur të dëgjoj nga ju këtu se Shqipëria ka bërë gjithçka çfarë duhet për të çelur këtë komision. Ne jemi përherë shumë të vëmendshëm të dëgjojmë komisionin, komisioni është mekanizmi më i lartë. Së fundmi në radhë por jo për nga rëndësia, shpresoj shumë fortë për planin e ndërtimit në Ballkan të premtuar nga Varheley vitin e kaluar të vihet në zbatim. Siç ju thash dhe më para ne nuk i bëjmë këto reforma se na i kërkoni ju, këto reforma janë ajo çka u detyrohemi fëmijëve tanë, doja të thoja që BE është një mallkim për njerëzit tanë. Është një dhimbje me të cilën duhet të merremi.