JOQ Albania
App Store
SHKARKO
Home
JOQ Albania

I bleu kompani turqve, menaxherja e Përgjithshme e EVITA merr TENDER mbi 300 MILION LEKË në Shëndetësi
Shkruar nga: F Tenolli | Publikuar më: 26/02/2021 19:20

  • Share
  • Share
  • Share
  • Share

Pas denoncimeve të shumta të JOQ Albania në lidhje me procedurat me shkelje të prokurimeve publike, mund ta keni kuptuar tashmë se aferat oligarkike për të përfituar thela nga Buxheti i Shtetit lidhen ngushtë me anë të qokave të ndërsjellta me personat që janë në krye të institucioneve shtetërore. “Ti ma jep mua dhe pastaj i ndajmë bashkë”,-është rëndom fraza që është regjur aq shumë sa as nuk diskutohet më para një pazari, por thjesht ndahen përqindjet e fitimit të parave të popullit.

Mënyrat që implementojnë oligarkët për të përfituara para nga Buxheti i Shtetit dhe për të kaluar të padiktuar nga mediat që i denoncojnë këto afera, janë nga më të ndryshmet. Më të fundit do ta shpalosin në artikullin e mëposhtëm.

Bëhet fjalë pikërisht për kompaninë MSE shpk dikur e quajtur ASHLAY GROUP, kompani e zotëruar nga shtetas turq. Një emër shumë pak i dëgjuar në fushën e tenderave të Shëndetësisë dhe jo pa shkak. Kjo kompani dikur me administratore Denisa Bishytin, iu dëgjua emri për gjobitje pasi abuzoi me çmimet e maskave dhe dezinfektëve gjatë periudhës së pandemisë duke ia shitur shqiptarëve me dyfishin e çmimit të tregut.

EKSTRAKTIN HISTORIK TË KOMPANISË MUND TA LEXONI KËTU

KLIKO PËR TË LEXUAR

ILDA TËRSHANA | ARBËR LIÇAJ

Tashmë administratore e kësaj kompanie, rezulton me 80% të aksioneve Ilda Tërshana, menaxherja e përgjithshme e EVITA me pronarë guaskë, zotërueses së koncesionit 8.6 MILIARDË Lekë të Hemodializës së bashku me Spitalin Amerikan të Klodian Allajbeut. 10% të aksioneve janë në zotërim të Arbër Liçajt, drejtorit ekzekutiv të Healthcare Solution LLC, ndërsa 10% tjetër në zotërim të shtetasit turk Can Kutay Orten.

Menaxherja e përgjithshme e kompanisë EVITA ka përfituar së fundmi një tender em vlerë mbi 325 MILIONË LEKË nga Drejtoria e Spitalit Rajonal Lezhë për pajisje mjekësore për sallën e Operacionit dhe Reanimacionit për Maternitetin e Ri në Spitalin Rajonal Lezhë. Fakti i fortë që ngjall dyshime është se në tender kanë marrë pjesë të gjitha kompanitë në TRUST me EVITËN, EUROMED i Engjëll Hoxhës dhe Hervin Forës, OES DISTRIMED i Ermal dhe Orjada Rizajt, BIOMETRIC i Artur Kadaresë, të gjitha pa dhënë oferte ekonomike duke ia lënë rrugën të hapur MSE për t’u shpallur fituese e tenderit. Shpesh këto procedura klasifikohen si të stisura më parë midis Autoritetit Kontraktor dhe Operatorëve Ekonomikë që marrin pjesë në garë, për të respektuar kushtin e konkurrencës në tenderimet publike, por fituesi është i paracaktuar.

Shuma që ka përfituar në Sektorin e Shëndetësisë është 419 MILIONË LEKË.

714 MILIONË LEKË TRANSAKSIONE NGA THESARI I SHTETIT VETËM PËR VITIN 2019-2020.


*Shënim I: Pjesët e nënvizuara në tekst me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*

© 2021 JOQ ALBANIA Të gjitha të drejtat e rezervuara

Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.