Ditën e djeshme Gjyakata e Tiranës dha masëne sigurisë arrest shtëpi për 24-vjeçarin Leonard Berisha, i cili dyshohet se dhunoi mjekun e QSUT-së Petrit Gjorgji, pasi sipas tij po i rrihte gjyshin. Para gjykatës Berisha është shfaqur i penduar por e ka pranuar që e ka dhunuar mjekun pasi po i rrihte gjyshin.
Mjeku po më rrihte gjyshin, reagova. Jam jetim, jam rritur me gjyshin. Vetëm gjyshërit kam, ai është 80-vjeç. Jam shumë i penduar, por po më rrihte gjyshin.
Ndërkohë vetë mjeku Gjorgji ka dhënë një tjetë variant në lidhje me këtë ngjarje, duke thënë se i afërmi i pacientit ishte keqkuptuar, pasi mejku po e ndihmonte.
Kishim një pacient për veshkat. Në një moment ka rënë nga krevati dhe me ndihmën e kolegëve të tjerë kemi shkuar për ta ndihmuar. Për ta ngritur, unë e kapa jo të gjithë trupin, por nga këmbë, për shkak të pozicionit dhe e vendosëm sërish në krevat. Një i afërm, që nuk po i shërbente e pa dhe ka ardhur më ka goditur nga pas. Ndërhynë mjekët dhe infermierët. Denoncova dhe erdhi policia që e ka marrë.