JOQ Albania
App Store
SHKARKO
Home
JOQ Albania

Eqrem Kryeziu: Isa Mustafa ka qenë bukëpërmbysës me shpurën e tij
Shkruar nga: S Shtjefni | Publikuar më: 23/02/2021 10:34

  • Share
  • Share
  • Share
  • Share

Eqrem Kreyeziu, krahu i djathtë i dikurshëm i ish-presidentit historik Ibrahim Rugova ka folur për zhvillimet e fundit në vend.

Sipas tij, fajtori kryesor për shkatërrimin e Lidhjes Demokratike të Kosovës (LDK), është Isa Mustafa.

“Isa Mustafa ka qenë bukëpërmbysës me shpurën e tij. Vjosa Osmani e ringjalli kandidaturën e saj për kryeministre në LDK, por i thanë që i humbe zgjedhjet dhe e bëjshin fajtore. Tashti po del që ata kanë qenë vetëm një shpresë në raport me Isën ajo ka qenë një shpresë, por i thanë që jo na i humbe zgjedhjet bukëpërmysës, e që tash i “fituan” zgjedhjet. Njerëzit u kënaqën u frymëzuan, ajo LDK-ja e gjatë e kontaverse e mo zot ma keq e qitën Vjosën një frymë si të re e gati i fitoi zgjedhjet, e pastaj pasi që përfunduan zgjedhjet kishe po të përjashtojmë”, ka thënë ai për IndeksOnlinen.

“Në Këshillin e përgjithshëm të LDK-së ajo s’ka marrë as vota me qenë kundërkandidate, tërësisht rrjeti i tyre është i kontaminum, unë e kisha problem qysh me shërue, ata s’kanë desht me m’pa me sy, sepse isha nënkryetar i Ibrahimit, qysh iu dhimshin sytë kur më shihnin mu, andaj unë nuk isha i interesum me qëndru”, ka thënë Kryeziu.

Sipas tij, për të ringjallur LDK-në duhet fshirë gjurmët e Isa Mustafës dhe disa bashkëpartiakëve të tij.

“Hapi i parë që duhet me ba është me i zanë gjurmët e mbrapshta të Isa Mustafës, t’i fshijmë gjurmët e tij, edhe duhet me i thanë Donika Gërvallës mirre LDK-në, unë vetëm në këtë mënyrë mund ta manifestoj si kërkimfalje”, ka theksuar ai.

Kryeziu ka thënë se nga LDK-ja është larguar tash e sa vjet, për siç ka thënë ai për të mos e kapur marrja.

Ndryshe, zgjedhjet e 14 shkurtit LDK-ja arriti të fitonte vetëm 13.08 % të votave. /IndeksOnline/

KË DO VOTONI MË 25 PRILL?