Për shkak të situatës Covid, Greqia ka marrë vendimin që t'i shtyjë sërish masat kufizuese me Shqipërinë deri në datë 8 mars. Vendimi ka ardhur pas një vlerësimi të të dhënave epidemiologjike, i cili bëhet njëherë në dy javë. Ekspertët ranë dakord se hyrja nga Shqipëria në Greqi duhet të vijojë të mbahet e kufizuar.Personat të cilët do të duan të udhëtojnë drejt Greqisë duhet t’i nënshtrohen një testi të shpejtë në Kakavijë si dhe të qëndrojnë në karantinë për 7 ditë. Theksojmë se edhe në vendin fqinj situata paraqitet e rënduar dhe shifrat e rasteve të reja me Covid i janë afruar 1000 në 24 orët e fundit.