Florian Marku, boksieri shqiptar ka mbajtur edhe një herë tjetër lart flamurin kuqezi, pasi ka mposhtur në Londër boksierin anglez Rylan Charlton. “Mbreti shqiptar” triumfoi me nokaut teknik në raundin e tetë. Janë dashur tëtë raunde që trajneri i boksierit anglez të hidhte peshqirin dhe të dorëzohej, pasi boksieri i tij nuk po mundte t’i përballonte grushtimet e njëpasnjëshme të kampionit kuqezi. Kujtojmë se kjo është fitorja e tetë e Florian Markut në boks, ndërkohë që regjistron edhe një barazim në muajin dhjetor, ndërsa ende nuk e njeh shijen e humbjes. Një fitore e madhe për boksierin shqiptar, që tashmë sheh më lart për t’u ndeshur me boksierë edhe më të rëndësishëm në Angli.
