VMRO-DPMNE-ja sot në Kumanovë ka filluar me grumbullimin e nënshkrimeve, përmes të cilave do të bëj përpjekje për të kontestuar Ligjin për regjistrimin e popullsisë.
Debati mbi Projektligjin në Kuvend, i cili duhet të mundësojë regjistrimin në vend pas 19 vjetësh, përfundoi më 15 janar. Më pas u njoftua se ligji do të votohet në vazhdimin e kësaj seance, që do të caktohet në mënyrë shtesë.
Zëvendësministri i Drejtësisë Agim Nuhiu duke prezantuar projektligjin, tha, se me të parashikohet që regjistrimi të kryhet nga 1 deri më 22 prill të këtij viti. Gjithnjë sipas tij në procesin e regjistrimit do të përfshihen edhe qytetarët që punojnë jashtë vendit.
“Personat që punojnë jashtë vendit, regjistrimin do ta kryejnë vetë, me një aplikacion të veçantë, i cili do të instalohet në faqen e internetit të Entit Shtetëror të Statistikave nga 1 marsi deri më 21 prill 2021”, thotë Nuhiu.
Zëvendësministri i Drejtësisë Agim Nuhiu siguroi për transparencë të këtij operacioni të rëndësishëm statistikor, duke i vënë theks të veçantë nënshkrimit të lidhur midis drejtorit dhe zëvendësdrejtorit të Entit të Statistikës.