JOQ Albania
App Store
SHKARKO
Home
JOQ Albania

Këshilltari i Veliajt fiton 3 miliardë lekë tender nga Ergys Verdho
Shkruar nga: M Gjini | Publikuar më: 10/02/2021 21:13

  • Share
  • Share
  • Share
  • Share

Erdhi dita miq! Është pikërisht periudha kur pula fillon të bëjë vezë të arta. Miliardat vërshojnë si lumë këto ditë para zgjedhjeve në mënyrë që të kënaqen të gjithë, qofshin donatorë të partive politike, qofshin këshilltarë bashkiakë. Nga ana tjetër, siç tashmë është bërë e qartë, Ergys Verdho i ARRSH, është njëra nga veglat e Rilindjes që përdoret për të shpërndarë lart e poshtë lekët e shqiptarëve.

Në rastin konkret, Ergys Verdho i ka dhënë plot 3 miliardë lekë të vjetra me TVSH firmës së anëtarit të Këshillit Bashkiak të Tiranës, Agim Kraja. Bëhet fjalë për tenderin me numër reference REF-65730-07-16-2020 dhe me objekt “Loti 3 : Mirëmbajtje me performancë Tiranë – Dajt – Qafë Mollë – Bizë, Qafë Priskë – Shkallë – Shëngjergj, Uzina e Traktorit – Lanabregas, Sauk – Farkë". Vlera e fondit limit të këtij tenderi ka qenë 255,787,340 lekë të reja pa TVSH, ndërkohë që fituesi ka ofruar thuajse një vlerë të njëjtë, përkatësisht 249,735,000 lekë të vjetra pa TVSH (ose rreth 3 miliardë lekë të vjetra me TVSH).

Nëse bëjmë një llogari të thjeshtë del se vlera fituese është sa 97.63% e fondit limit të tenderit, një raport ky që ngjall dyshime tepër të forta. Por le të ndalemi tek procedura e tenderit. Shikohet se në të morën pjesë vetëm dy grupime firmash, nga të cilat u shpall fitues grupimi i firmave “XHAST” & “ALB – SHPREA” & MELA” me vlerën 249.735.000 lekë të reja pa TVSH.

Mirëpo grupimi tjeëtër shihet se ka ofruar një vlerë më të ulët, thuajse 350 milionë lekë të vjetra nëse llogarisim dhe TVSH-në. E megjithatë, fitues është shpallur grupimi i firmave të kryesuara nga XHAST SHPK në pronësi të anëtarit socialist të Këshillit Bashkiak Tiranë, Agim Kraja.

KË DO VOTONI MË 25 PRILL?