Gjysmëfinalja e kthimit midis Juventus dhe Inter përfundon me rezultatin 0-0 në Allianz Stadium në Torino. Kështu bardhezinjtë shkojnë në finale për shkak të rezultatit të ndeshjes së parë kur ata fituan me rezultatin 2-1 me golat e Cristiano Ronaldos. Ndërkohë lojtarët e Contes përjashtohen nga Kupa e Italisë. Në minutën e 10-të Interi kërkoi një penallti, duke protestuar për një kontakt të pretenduar midis Lautaro Martinez dhe Bernardeschi. Por gjyqtari Mariani e lë të lirë dhe Var konfirmoi vendimin. Zikaltërit e Interit tentuan disa herë portën e juventinëve, por nuk arritën të gjejnë golin e shumëkërkuar, pasi portieri Gigi Buffon arriti ta mbrojë portën e tjj ashtu siç duhet. Juventus tani pret fituesin e çiftit Napoli-Atalanta.
FT | 𝐒𝐈𝐀𝐌𝐎 𝐈𝐍 𝐅𝐈𝐍𝐀𝐋𝐄 ⚪️⚫️
Determinazione, lucidità, fame e voglia di lottare fino alla fine ➡ MISSIONE COMPIUTA 💪#JuveInter [0-0] #CoppaItalia pic.twitter.com/7s0CBEWtET
— JuventusFC (@juventusfc) February 9, 2021