Federata Italiane e Futbollit (FIGC) ka hapur një hetim të mëtejshëm në përleshjen midis Romelu Lukaku dhe Zlatan Ibrahimovic, me mundësinë e një ndëshkimi edhe më të ashpër. Giuseppe Chine thirri gjyqtarin e ndeshjes, Paolo Valeri, për të dhënë versionin e tij të ngjarjeve që ndodhën në çerekfinalen e Coppa Italia të javës së kaluar midis AC Milan dhe Inter. Një pezullim me një ndeshje u ishte dhënë më parë të dy lojtarëve për përplasjen në fushë pas mbarimit të pjesës së parë. Mikrofonët e pozicionuar pranë fushës në Stadiumit San Siro lejuan shikuesit e televizionit të dëgjonin saktësisht se çfarë po i thoshin njëri-tjetrit dy ish-shokët e skuadrës së Manchester United, dhe kjo mund të çojë që FIGC të japë dënim më të ashpër . Pavarësisht se gjyqtari i tregoi një karton të verdhë si Lukakut ashtu edhe Ibrahimovic në ato momente, nëse përcaktohet se ai nuk e mori parasysh tonin e fyerjeve – ndoshta për shkak të të dy lojtarëve që flasin në anglisht – atëherë është e mundur që prokurori të përcaktojë dënime më të rënda.