Zgjedhjet po afrojnë, vetëm tre muaj na ndajnë nga data 25 prill dhe të gjithë okigarkët e pushtetit vendor po mundohen të rregullojnë, rikonstruktojnë, restaurojnë zyrat e administratës ku ata vetë punojnë. Së fundmi, mësohet se edhe Bashkia e Durrësit do të rikonstruktohet dhe për këtë do të shpenzohen plot 300 milionë lekë nga taksat e vetë qytetarëve. Por një rikonstruksion i tillë në këto kohë, kur qyteti po përmbytet çdo ditë dhe shumë banesa, toka bujqësore ndodhen nën ujë, zyrtarët e bashkisë mendojnë për luksin e tyre. Pyetja që lind me këtë rikonstruksion kaq të papritur është se 20% e tenderimit prej 60 milionë lekë kush e merr? Shumë qytetarë pyesin dhe kërkojnë të dinë se pse po bëhet tani ky rikonstruksion i Bashkisë, kur këto para nga vetë taksat e tyre mund të përdoren për gjëra më të vlefshme.