Organizata Botërore e Shëndetësisë deklaroi ditën e sotme se varianti britanik i Covid është përhapur në 70 vende, që është dhjetë më shumë se një javë më parë. Trupi shëndetësor i KB tha se varianti i ri i virusit i parë për herë të parë në Afrikën e Jugut ishte përhapur në tetë vende të tjera javën e kaluar dhe tani është i pranishëm në 31 kombe ndërsa një variant tjetër i zbuluar në Brazil ishte përhapur në tetë vende. Sipas ekspertëve, varianti i ri i Covid mund të jetë deri në 70% më i transmetueshëm. Agjencia Shëndetësore e Kombeve të Bashkuara gjithashtu njoftoi se një variant tjetër i koronavirusit, i zbuluar në Afrikën e Jugut është përhapur në 31 shtete të tjera. Më problematik paraqitet variant i Afrikës së Jugut, pasi sipas studimeve ai mund të ulë efikasitetin e vaksinave që ndodhen në treg.
Por lajmi i mirë është se pak ditë më parë, u njoftua se vaksina e kompanisë amerikane Moderna, mund të jetë efektive ndaj varianteve të reja të Covid. Megjithatë, shkencëtarët thonë se për ta konfirmuar plotësisht këtë gjë, nevojiten studime të mëtejshme.
Burimi: wionews.com | Përktheu dhe Përshtati: JOQ Albania