Toni Kroos është prova se fituesit nuk lodhen kurrë të fitojnë dhe pavarësisht se ka katër medalje të Ligës së Kampionëve në koleksionin e tij, ai është i uritur për një të pestë. Mesfushori gjerman është në vendin e duhur: Real Madrid ndan fiksimin e tij me Kupën Evropiane, dhe të dy kurrë nuk janë të kënaqur me atë që kanë.
Nëse keni pasur ndjenjën e fitimit të Ligës së Kampionëve, do ta dëshironi atë përsëri dhe përsëri. Ndonjëherë kalon një ose dy vjet, gjë që është e kuptueshme sepse edhe të tjerët duan ta fitojnë atë, por ndjenja nuk zhduket pasi ta keni provuar: ju e dëshironi përsëri. Pavarësisht se kam katër medaje Ligës së Kampionëve, unë dua një të pestë.
Real Madrid është një klub që kërkon një dëshirë të tillë, për të cilën Kroos ishte në dijeni që nga dita kur mbërriti. Më tej mesfushori gjerman foli dhe për prezantimin e tij të parë te madrilenët dhe emocionet e asaj ndeshjeje, duke theksuar se e tashmja ka rëndësi më teper se e kaluara.
Dita e prezantimit tim ... Kishte 30,000 njerëz atje, jo për një ndeshje por për të më parë të godisja një top për disa sekonda. Ishte ndryshe nga çdo gjë që kisha parë ose përjetuar. Këtu suksesi i takon të djeshmes, ajo që ka rëndësi është e tashmja dhe fitimi i trofeut tjetër.