Disa çaste më parë është publikuar fotoja e autorit të dyshuar për dy grabitjet e ndodhura në ditët e fundit në kryeqytet. Bëhet fjalë për të riun Kristi Çinari i shpallur tashmë në kërkim nga policia. Çinari dyshohet të jetë autori i grabitjes në institucionin financiar "Kredo.al", filiali tek zona e "Brrylit" në Tiranë. Ngjarja në fjalë, u shënua mbremjen e së shtunës, ku dyshohet se i riu hyri në institucionin financiar i maskuar dhe kërcënoi punonjësin, duke vjedhur një shumë parash. Gjithashtu, Kristi Çinari dyshohet të jetë edhe autori i grabitjes së ndodhur mbrëmjen e djeshme në një farmaci pranë shkollës ”Sami Frashëri” në Tiranë.