Dy muaj pas vdekjes së Diego Maradona, ka ende shumë mistere që mbeten të pazgjidhura. Lufta për trashëgiminë e tij midis ish-gruas Claudia Villafane, fëmijëve të tij të njohur – Dalma, Giannina, Diego, Jana dhe Diego Fernando – dhe atyre që po luftojnë të njihen si të tillë sa vjen e bëhet edhe më e nxehtë dhe e ashpër. Sipas MARCA legjenda botërore e futbollit nuk la një testament dhe vlera monetare për pasurinë e tij të patundshme në të gjithë botën është jashtëzakonisht e vështirë për t'u llogaritur. Pasuritë e tij janë të ndryshme, që nga automjeti Amfiber Hunta Overcomer te unaza e diamantit, që iu dha gjatë kohës së tij si president i Dynamo Brest apo një Rolls Royce Ghost. Thuhet se Maradona dhe pasuritë e tij vlerësohen rreth 75 milion dollarë. Mister i madh që mbetet ende i pazgjidhur, është të dish se çfarë ka lënë Maradona në dy kasafortat e tij në Dubai, të cilat janë akoma në Emiratet e Bashkuara Arabe. Një mik i ngushtë i Maradonës tha se asnjë njeri nuk e di se çfarë fshihej në ato kasaforta, i vetmi që e dinte ishte i ndjeri.
