Mbrëmjen e kaluar në Itali u luajt derbi i Milanit i cili përfundoi me fitoren e zikaltërve të Interit të cilët mposhtën Milanin në minutat e fundit të kohës shtesë të kohës së rregullt 90 minutëshe. Por ajo që ra më tepër në sy dhe u kritikua nga të gjithë ishte përplasja mes dy sulmuesve, Ibrahimovic dhe Lukakut. Menjëherë pas mbarimit të pjesës së parë që u mbyll me golin e Ibrahimoviç, ylli i kuqezinjve u përplas me Lukakun e Interit. Ende dihet ende shkaku konkret i zënkës, që çoi në përplasjen kokë më kokë të dy gjigantëve, por mediat italiane flasin për fyerje të suedezit të Milanit, që është vazhdimisht provokues në fushë. Edhe reagimi i Lukakut ishte i ashpër dhe ishte e nevojshme ndërhyrja e lojtarëve të tjerê për të qetësuar dy sulmuesit tê cilët u ndêshkuan më pas me kartonë të verdhë. Ndërkohë zënka mes tyre është kthyer hit në rrjetet sociale dhe një faqe e njohur në Instagram dhe medie e përqendruar veçanërisht në rrjetet sociale, “433” bën pyetjen: “Kush do e fitonte këtë ndeshje”, duke iu referuar Lukakut dhe Ibras. Por ajo që bie në sy është komenti i Khabib Nurmagomedov, i cili duket se mbështet suedezin Ibrahimovic.