Ditën e djeshme u transmetua takimi i parë mes Melisës dhe Andit, djalit të ri që nuk ka shumë që i është bashkuar emisionit. Gjatë takimit Andi u përpoq vazhdimisht që ta surprizonte Melisën dhe ia arriti. Pasi kjo e fundit tha që deri më tani ky është një ndër takimet më emocionuese që kishte patur që nga fillimi i emisionit. Ndërkohë në fund të emisionit Andi zgjodhi një mënyrë shumë speciale, që ju bëri çudi të gjithëve, për t’i kërkuar Melisës një takim të dytë. Ai kishte shkruar në një letër një poezi për t’i kërkuar Melisës një takim tjetër. Madje Andi e recitoi poezinë në studio, gjë që e bëri Melisën të përlotej. Por në fund, Melisa ndryshoi mendim dhe nuk zgjodhi Andin për takimin e javës tjetër, por djalin nga Turqia, Muratin. Por Andi nuk mund ta linte me kaq pasi në një postim në Instagram ka publikuar sërish në Instagram poezinë që ka shkruar për Melisën dhe i ka kërkuar edhe aty një takim të dytë. Në një foto të tij, ai ka shkruar poshtë poezinë dhe këtë postim e ka nxjerrë edhe në story. Aty Andi i ka kërkuar një takim të dytë Melisës duke përdorur “emojin” e dy gishtave.