Është shtyrë edhe sot seanca për grabitjen e aeroportit të Rinasit. Seanca e ditës së sotme, konkretisht seanca e 90-të është shtyrë për shkak të mungesës së avokatëve. Në ambientet e Gjykatës së Posaçme të Apelit, Aleksandër Murataj, vëllai i viktimës që mbeti i vrarë në grabitjen e Rinasit, bëri një lëvizje të papritur, ndërsa shprehu një kërkesë.
Murataj është dënuar me 16 vite burg në Shkallën e Parë, ndërsa Apeli nuk ka arritur të mbyll shqyrtimin dhe procesi është zvarritur, prej 3 vitesh. Mësohet se Admir Murataj kërkoi që çështja të gjykohet e ndarë nga pjesa tjetër e grupit. Kujtojmë se Murataj dhe 8 persona të tjerë akuzohen për 2 grabitje në Rinas në vitin 2017, ku arritën të merrnin rreth 7 milionë euro.
