Një tërmet me magnitudë 4.5 të shkallës Rihter tronditi kryeqytetin e Turqisë, Ankaranë mbrëmjen e djeshme. Autoriteti i Menaxhimit të Fatkeqësive dhe Emergjencave (AFAD) tha në një njoftim zyrtar se epiqendra e tërmetit ishte Kalecik.
Tërmeti u regjistrua në një thellësi prej 12 kilometrash (rreth 8 milje) në 10.53 të mbrëmjes me kohën lokale (1953 GMT). Guvernatori i Ankarasë, Vasip Sahin tha se deri më tani nuk ka pasur të lënduar.
Kujtojmë se më 30 tetor, një tërmet i fuqishëm me madhësi 6.6 tronditi qytetin e tretë më të madh të Turqisë Izmir, duke vrarë të paktën 115 persona dhe duke plagosur më shumë se 1.000 të tjerë.
