Ergys Verdho duket se qartësisht është “shpërndarësi i picave” të Rilindjes. Kur themi picë, nuk nënkuptojmë ushqimin që të gjithë pëlqejmë por në këtë rast e kemi fjalën për miliarda. Rilindja duket se nuk di të ndalet as tani kur viti po mbaron. Ergys Verdho, drejtori i ARRSH-së, ka organizuar një tjetër tender me shifra të frikshme me objekt “Ndërtim rruga Dukaj Sinanaj, Tepelenë”.
E gjeni dot se cilin ka shpallur fitues Ergysi? Jo? Bëhet fjalë për atë që supozohet si “ndërtuesi i pallatit të Linda Ramës”. Më konkretisht bëhet fjalë për kompaninë “2T” në pronësi të Artan Sako-s dhe Dritan Troksi-t. Artan Sako, referuar artikujve të shumtë në media, supozohet të jetë ndërtuesi i një pallati pranë zonës së Institutit të Higjenës ku dyshohet se pas tij fshihet Linda Rama.
Ai është gjithashtu edhe vëllai i komandantit aktual të gardës së Republikës, Gramos Sako. Duket se lidhja mes këtyre individëve me Linda Ramën ka bërë që Ergys Verdho të shpallë fituese këtë kompani e cila ka ofruar një vlerë gati 2.3 miliard lekë të vjetra me TVSH më të lartë sesa një tjetër firmë në garë.
Pra mendoni pak, shtetit i është shkaktuar një dëm prej të paktën 2.2 miliard lekësh vetëm e vetëm që fitues të shpallet Artan Sako. Ndërkohë shqiptarët e shkretë mezi shtyjnë muajin. Jepi Gysi!