Për t’jua rikthyer në kujtesë, EUROMED, kompania e oligarkut të Shëndetësisë Hervin Fora vazhdon të jetë një prej përfitueseve më të mëdha të tenderave nga Institucionet e Shëndetësisë. Këtë radhë bëhet fjalë për një tjetër tender të dhënë nga ISHP me vlerë rreth 500 MILIONË LEKË PA TVSH për blerje kitesh për testim për Covid-19.
Në tender kanë marrë pjesë disa prej kompanive më të njohura të oligarkëve të Shëndetësisë në tenderin me fond limit 1.6 MILIARD LEKË PA TVSH, ndërkohë që Fora, mik e i njohur me shumicën prej tyre është favorizuar dhe është shpallur fitues. Disa prej operatorëve ekonomikë në tender nuk kanë rënë dakord dhe janë ankuar për fituesin duke akuzuar se ishte favorizuar për shkak të disa specifikimeve teknike që do e nxirrnin fitues medoemos. Në këtë tender, Fora u ka hequr nga duart milionat Rasim Hamzarajt të “MEGAPHARMA” djalit të dajës së ish-deputetit të LSI Petrit Vasilit, “BIOMETRIC” të Artur Kadaresë, “Farma Net” të Kol Topçiut, “MONTAL” të Skënder Lufit, “FEDOS” të Fatmir Strugës, “GENIUS” të Besnik Çullhajt, “OES DISTRIMED” të Ermal Rizajt, etj.
Në artikujt tanë të mëparshëm kemi denoncuar shkeljet në procedurat e tenderime publike që ka bërë kompania e Forës së bashku me bashkëpunëtorët e saj. Po ashtu edhe abuzimet me çmimet e maskave gjatë kohës të pandemisë kur Fora bashkë me Topçiun përfituan tenderin 2.8 MILIONË EURO të maskave për mbrojtjen ndaj COVID-19, ku vetëm një ia shitën qeverisë me çmim shumice 8 mijë lekë. Tender ky për të cilin SPAK nisi hetim dhe më pas e la në harresë.
Thelbi është i thjeshtë dhe i kuptueshëm: Janë po të njëjtët personazhe që hanë taksat e shqiptarëve në Fushën e Shëndetësisë në çdo tender që hapet nga institucionet e kësaj fushe.
*Shënim I: Pjesët e nënvizuara në tekst apo ato me ngjyrë të kuqe, janë hiperlinke që të drejtojnë në faqe të tjera, informacione shtesë, shpjeguese në lidhje me lajmin*
© 2020 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
