Pas humbes së tij, tashmë pasuria e Diego Armando Maradonës është kthyer në shënjestrën familjarëve të tij. Sipas lajmeve të fundit nga Argjentina, ish-ylli i futbollit botëror ka përjashtuar nga ndarja e pasurisë së tij ish-gruan Klaudia Vijafana së bashku me dy vajzat Dalma dhe Xhaninën. Maradona u nda pas 24 vitesh me Vijafanan duke e akuzuar për zhdukjen e 6 milionë eurove dhe 458 suvenirëve.
Palët u përballën në gjykatë dhe fakti që vajzat e tij vendosën të qëndronin me nënën ka bërë që Diego të përjashtojë nga ndarja e pasurisë të bijat Dalma dhe Xhanina. Gjatë jetës së tij, Diego ka dhe 3 fëmijë të tjerë me partnere të ndryshme,Diego Jr, Janën dhe Diego Fernandon, ndërsa pas vdekjes së “Djalit të Artë”, 6 persona të tjerë kanë pretenduar se Maradona është babai i tyre.