Ronaldo Luis Nazario de Limas ishte një mik i Diego Armando Maradonës, i cili humbi jetën mbrëmjen e 25 nëntorit. Edhe pse luajtën në kohë të ndryshme dhe nuk ishin kundërshtarë në fushë, mes tyre ekzistonte një lidhje e fortë. Së fundmi, braziliani ka folur për lidhjen e tyre të ngushtë.
Fenomeni tregon:
Ishte një person fantastik, i lumtur, shpërndante energji pozitive kudo. Dhe për sa i përket jetës së tij private, gjithkush bën me atë çfarë të dojë, ndaj nuk duhet gjykuar për atë.
Më pas braziliani ka treguar edhe një detaj mjaft interesant, duke zbuluar se pse Maradona mbante gjithmonë dy ora në duart e tij.
Ronaldoi shtoi:
Po, ky detaj më kishte rënë edhe mua në sy dhe kur e pyeta në një darkë mes nesh, ai zbuloi se të dyja ia kishte dhuruar vajza dhe nuk i hiqte nga dora. Por kur përfunduam darkën, ai më dhuroi njërën prej tyre. Unë nuk doja ta pranoja, por ai u tërbua në sekondë dhe m’u desh ta merrja. Dhe premtoj se atë dhuratë do ta mbaj gjatë gjithë jetës sime, sepse ajo orë përfaqëson zemërgjerësinë dhe xhentilesën e Diegos”.
