Futbollistja refuzon të mbajë një minutë heshtje për Maradonën: Më kanë kërcënuar

Gjesti i një futbollisteje spanjolle ka befasuar mbarë botën, teksa ajo nuk respektuar ikonën e futbollit botëror Diego Armando Maradona. 24-vjeçarja Paula Dapena u ul në fushë dhe ktheu kurrizin në momentin që para takimit të ekipit të saj Viajes po mbahej një minutë heshtje për legjendën argjentinase. Ai tregoi se “protesta” e saj erdhi në shenjë solidarizimi me Ditën e Dhunës ndaj Gruas, duke shprehur pakënaqësinë ndaj mënyrës se si Diego i trajtonte partneret e tij. Dapena këmbënguli se do të refuzonte sërish të nderonte Maradonën.

Ajo u shpreh:

E enjtja ishte një ditë kundër Dhunës Gjinore, ndërsa ne mbajtëm një minutë heshtje për një njeri që ka dhunuar gratë, dhe jo për viktimat. Është diçka që idealet e mia feministe nuk mund ta pranojnë. Për mua Maradona është një futbollist spektakolar, por si njeri kishte shumë gjëra që mund të mos i pëlqeje dhe duhet të vlerësosh për cilësitë njerëzore që ka. Në klubin tim, secili është me mua. Kam marrë shumë vlerësime në rrjetet sociale, por dhe jam kërcënuar me vdekje”.