Erling Haland vijon me statistika të frikshme në Europë teksa me golat e tij te Dordmundi është shndërruar në një nga sulmuesit më të përfolur në botë. Vetëm 20 vjeç është mosha e tij, por kjo nuk e ka penguar të kthehet në një makineri golash dhe të mahnisë opinionin sportiv. I qetë para portës, Haland duket sikur nuk di të gabojë kurrë në momentin që gjendet në zonën e rreptësisë.
Por nuk ka njeri të pagabueshëm në këtë jetë dhe nga ky rregull nuk shpëton as norvegjezi, i cili e ka vërtetuar këtë ligj të pakshtruar në ndeshjen e djeshme në Bundesligë. Dortmundi humbi me shifrat 1-2 kundër Këlnit, ndërsa Haland kishte shansin e artë në sekondat e fundit që të vendoste baraspeshën. Kur të gjithë ishin gati të festonin ndodh ajo që më pak pritej. Sulmuesi i verdhezinjve humb një rast të pabesueshëm nga vetëm pak metra larg portës. Topi i goditur nga këmba e tij çuditërisht shkon jashtë, duke mos i besuar syve për shansin që shpërdoroi.
Quel raté de Haaland a la dernière seconde 😱 pic.twitter.com/YECRewigge
— Ghazi 💙❤ 🇹🇳 (@GhaziRekik) November 28, 2020