Gjyqtari anglez, Anthony Taylor, nuk u kursye aspak futbollistin kilian të Interit, Arturo Vidal, të cilin e ka përjashtuar nga loja vetëm pas një diskutimi mes tyre në ndeshjen Inter-Real Madrid në Champions League, e cila përfundoi 0-2 për spanjollët. Vidal pretendoi për një penallti brenda zonës së Real Madrid, teksa pati një kontakt me mbrojtësin Raphael Varane, por Taylor lejoi që ndeshja të vazhdonte. “Gol TV” ka zbuluar fjalët e Vidal të cilat i’a kishte thënë arbitrit duke bërtitur para fytyrës së tij.
Vidal iu drejtua:
Kjo nuk ishte hera e parë që Vidal ishte ndëshkuar me karton të kuq përballë Real Madrid, pasi që një gjë të tillë e kishte bërë edhe disa edicione më parë në “Santiago Bernabeu”. Vidal e la Interin me dhjetë futbollistë, teksa skuadra e tij ishte duke humbur 1-0 në San Siro. Ai u shfaq tejet i zemëruar me rastin e ndëshkimit, ndërkohë që bëri veprime anti-sportive edhe pasi u largua nga fusha. Interi në fund e humbi ndeshjen dhe tani rrezikon seriozisht rënien nga grupi, pasi që në katër ndeshje ka grumbulluar vetëm dy pikë.