E gjithë bota u trondit mbrëmjen e djeshme nga lajmi se legjenda argjentinase, Diego Armando Maradona u nda nga jeta krejt papritur, pas një sulmi në zemër. Megjithatë, ish-futbollisti legjendar nuk mund të largohej nga kjo botë pa një çmenduri. Gazetari argjentinas, Hernan Kastija, ka zbuluar një skenar të bujshëm ditën e sotme.
Ai shprehet se Maradona ka firmosur një testament, ku kërkon të mos varrosej kur të ndërronte jetë, por të balsamosej dhe trupi i tij të ekspozohej. Familja e legjendës, e ka marrë së fundmi vesh këtë dhe tashmë është në një dilemë të madhe se çfarë duhet të bëjnë.
