Ndarja nga jeta e legjendës së futbollit botëror, Diego Armando Maradona ka tronditur të gjithë futbolldashësit dhe jo vetëm.
Legjenda argjentinase arriti t'i mbijetonte një operacioni të vështirë në kokë, por jo sulmit kardiak ditën e sotme. Në lidhje me këtë humbje të madhe kanë reaguar dhe dy yjet e momentit në futbollin botëror, Cristiano Ronaldo dhe Leo Messi.
Kapiteni i Barcelonës dhe Argjentinës, Messi shprehet se kjo është një ditë e trishtuar për të gjithë argjentinasit dhe futbollin. Messi nuk harron të ngushëllojë familjen dhe miqtë e legjendës që do të mbetet i përjetshëm.
“Një ditë shumë e trishtuar për të gjithë argjentinasit dhe për futbollin. Ai na lë, por nuk largohet sepse Diego është i përjetshëm.Unë mbaj mend të gjitha momentet e bukura të jetuara me të dhe doja të përfitoja nga rasti për të dërguar ngushëllimet e mia për të gjithë familjen dhe miqtë e tij”, kapiteni i Argjentinës dhe Barcelonës.
View this post on Instagram
Sakaq ylli portugez, Ronaldo ka shkruar në Instagram se sot i dha lamtumirën një miku, ndërsa bota një gjeniu të përjetshëm. Më tej Ronaldo shkruan se ai u largua shpejt, por duke lënë trashëgimi të pakufijshme.
” Sot i dhashë lamtumirën një miku dhe bota lamtumirën një gjeni të përjetshëm. Një nga më të mirët ndonjëherë. Një magjistar i pakrahasueshëm. Largohet shumë shpejt por lë një trashëgimi të pakufijshme dhe një boshllëk që nuk do të mbushet kurrë. RIP. Kurrë nuk do të harrohesh.” ka shkruar Ronaldo.
View this post on Instagram
