Nëpërmjet AKSHI-t, ndryshe Agjencia Kombëtare e Shoqërisë së Informacionit, rezulton të jenë dhënë një numër mjaft i madh tenderash në emër të teknologjisë. Mirëpo ashtu siç ju kemi informuar në mjaft raste, këto tendera kanë shërbyer më tepër për të mbushur xhepat e miqve të pushtetit sesa që të bëhej puna e kërkuar. Dhe sigurisht Mirlinda është njëra prej më të besuarave të “shoqërisë së Rilindjes”.
Me sa duket ajo e bën mjaft mirë rolin e shpërndarëses së “qokave”. Dhe natyrisht shpërndarja më e mirë bëhet tek tenderat të cilët bëjnë fjalë për mirëmbajtje. Me këtë term maskohen shumë tendera kryesisht ato që kanë të bëjnë më sistemet kompjuterike. Dhe në këto raste duket se Mirlinda e qan punën e saj. Kështu rezulton se ajo ka hapur një tender me objekt “Mirëmbajtja e sistemit multifunksional të lejeve të ndërtimit” dhe me numër reference REF-78169-11-10-2020.
Mirlinda ka menduar të japë plot 345 milionë lekë të vjetra me TVSH për këtë mirëmbajtje, një shifër kjo mjaft e fryrë duke patur parasysh se bëhet fjalë thjesht për mirëmbajtje. Mbetet për tu parë se cili do të shpallet fitues, pasi është krejtësisht e kuptueshme se do t jenë para “qyl”.
