Shqiptari i identifikuar me nofkën Nikos është portretizuar si “kasap” pasi dyshohet se është autori i ekzekutimit të ish-të dashurës, Fotini Svitlana, me origjinë nga Ukraina dhe partnerit të saj të ri, farmacistit grek Ioannis Zonitsas, 42-vjeç.
Ngjarja e cila tronditi Greqinë në 10 tetor bëri mjaft bujë ndërsa terrorizoi të gjithë. Skena e krimit, është mjaft e frikshme pasi identifikimi i viktimave ka qenë shumë i vështirë. Trupat e pajetë janë gjetur të coptuar me hanxhar në shtëpinë e pushimit në pronësi të ukrainases në qytezën Lutraki.
Hetuesit dyshojnë se autori i vrasjes mund të jetë shqiptari në foto, teksa për arsye hetimore emri i tij ende nuk është bërë i ditur. Këto dyshime kanë lindur pasi është zbuluar se ai ditët e fundit nuk ishte paraqitur në komisariat si çdo javë, pasi ishte liruar me kusht pas një dënimi për vjedhje. Pas kontrolleve rezulton se autori nuk ka shkelur në pikat doganore, ndërsa mendohet se në Lutraki ka shkuar ilegalisht.
Deri tani nga hetimet paraprake dyshohet se motivi i krimit është xhelozia pasi Svitlana kishte pak kohë që ishte ndarë me shqiptarin, pas disa muajsh mardhënie.