Danjel Pepaj, i riu që dyshohet se ekzekutoi Vilson Çutajn dhe Kement Pepajn, është shpallur në kërkim, ndërsa rezulton se ka qenë nën hetim edhe në Malin e Zi dhe kjo për trafik të lëndëve narkotike. Informacioni për këtë hetim nga vendi fqinj, është bërë i ditur autoriteteve tona në përgjigjen e letërporosisë së dërguar në Malin e Zi, për informacion mbi 25 vjeçarin. Në përgjigjie ndër të tjera thuhet se, Danjel Pepaj ka qenë nën hetim si i dyshuar për trafikim dhe shpërndarje të lëndës narkotike, por asnjëherë nuk ishte ndaluar apo proceduar për këto vepra penale.
Policia e Shkodrës ka nisur edhe një bashkëpunim me familjarët e Pepajt në mënyrë që të arrihet një negociatë që Pepaj të vetëdorëzohet. Ajo që bëhet me dije është e 25 vjeçari ka vite disa vite që punon në ndërtim në Malin e Zi dhe thuajse e njeh shumë mirë atë zonë, teksa dyshohet se persona të tjerë i vijnë në ndihmë Pepajt dhe e mbajnë me veshje e ushqim.
Por çfarë ndodhi pas vrasjes së dy të rinjve Klement Pepaj dhe Vilson Çutaj?
Mësohet se Danjeli ka kryer ekzekutimin në një zone të pyllëzuar të Reçit dhe më pas përmes maleve mendohet të jetë larguar në drejtim të Malit të Zi, ku dhe policia gjeti trupat e pajetë të dy të rinjve. Pas viktimave 250 metra larg vendit ku u krye vrasja, ndodheshin dy parcela, në njërën prej të cilave ishin mbjellë 29 bimë kanabisi deri në 1.5 metra dhe në tjetrën u konstatuan vetëm gropa të hapura. Po ashtu sipas informacioneve paraprake, Danjel Pepaj për të fshehur gjurmët ka djegur edhe dy kasolle të përshtatura për tharjen e kanabisit.
