Incident në zyrat e ministrisë së Shëndetësisë. Ministri Armend Zemaj ka përzënë nga zyra e tij disa inspektorë shëndetësorë, që kishin shkuar sot në zyren e ministrir për t'ia adresuar pakënaqësinë e tyre. “Sot vendosëm t’i drejtohemi me një takim ministrit Zemaj për ta informuar drejtpërsëdrejti me situatën, i cili nuk gjeti mirëkuptim për këtë duke iu drejtuar të gjithë inspektorëve si ‘rrugaçë’ që doni të shantazhoni, dhe pastaj duke kapur për krahu përfaqësuesin tonë të zgjedhur dhe duke i kërcënuar dy përfaqësuesit B.V. dhe N.K. se sot do t’iu jepen vendimet për lagim nga puna. Poashtu urdhëroi të lëshojmë të gjithë objektin e ministrisë për 2 minuta”, kanë deklaruar grupi i inspektorëve. Kërkesa e tyre është që pagesa shtesë prej 300 eurove të bëhet në mënyrë retroaktive.
