Jeta e çdo qytetari është vështirësuar që kur ka hyrë në fuqi akti normativ numër 32 për mbajtjen e maskave dhe në ambjentet jashtë. Gjobat që janë vendosur për shkeljen e këtij akti normativ janë të shumta.
I tillë është dhe rasti i një qytetari nga Berati i cili është kapur nga policia pa maskë dhe si rrjedhojë është gjobitur me 3000 lekë. Ajo çka bie në sy është se te deklarimi që bëjnë vetë qytetarët në fletën e gjobës qytetari në fjalë ka shkruajtur: “Poshtë komunizmi”.
Ky është një mendim i shumë qytetarëve. Ata ndihen të privuar për shumë gjëra prandaj edhe përreth tyre kanë nisur të vërejnë një frymë komunizmi. Sidomos kur bëhet fjalë për vendosjen e maskave në rrugë, ky vendim nuk është preferuar aspak në masë.