Rreth dy mijë tifozë të futbollit dhe hokejit në akull protestuan ditën e djeshme kundër masave të vendosura nga autoritetet në Pragë për të ndaluar përhapjen e Covid-19. Protestuesit u përleshën me forcat e sigurisë dhe u përpoqën të thyenin kordonin e policisë në sheshin e qytetit. Autoritetet përdorën gaz lotsjellës dhe topa uji për të shpërndarë protestuesit, të cilët hodhën në drejtim të tyre fishekzjarre dhe objekte të tjera. Sipas Agjencisë së Lajmeve Çeke, disa njerëz u lënduan gjatë protestës, përfshirë edhe efektivë të cilët më pas morën ndihmë mjekësore.
Protesta e së dielës në Pragë u iniciua nga klubi i futbollit Banik Ostrave, që pretendon se kufizimet e vendosura nga qeveria janë të pakuptimta dhe janë si rezultat i dështimit të shtetit për t’u përgatitur me valën e dytë të koronavirusit.
Burimi: expats.cz |Përktheu dhe Përshtati: JOQ Albania