Niko Goro është biznesmeni dhe ndërtuesi i njohur në zonën e Himarës, i cili u ekzekutua mëngjesin e sotëm, sapo doli nga supermarket i së motrës. Lidhur me ekzekutimin është arrestuar Kliti Leka, 53 vjeç, i cili ka dëshmuar se e ka “eleminuar” biznesmenin, pasi ai i kishte disa borxhe në lidhje me një pronë.
Mësohet se Goro është kushëriri i parë i kryebashkiakut të Himarës, Jorgo Goros, ndërsa së fundmi janë publikuar edhe fotot e tij krah djalit të xhaxhait dhe Damian Gjiknurit. Viktima ishte një emër i njohur në zonë dhe personat e afërt e quajnë një njeri punëtor dhe pa konflikte.