Sekretari amerikan i shtetit Mike Pompeo zhvilloi një bisedë telefonike me ministrin e Jashtëm turk Mevlüt Çavuşolulu, këtë të hënë në mbrëmje. Në qendër të bisedës ishte Mesdheu Lindor dhe Qipro pas konfliktit me Greqinë. Komunikimi erdhi 24 orë pas vizitës së papritur të Mike Pompeo në Qipro, por gjithashtu dhjetë ditë para Samitit vendimtar të BE, ku do të ngrihet çështja e konfliktit në Mesdheun Lindor. Gjatë fundjavës Pompeo vizitoi Qipron e Greqisë Jugore, në prag të heqjes së embargos së armëve të SHBA-së mbi vendin.
Turqia i kundërshtoi të dy lëvizjet, duke thënë se Pompeo duhet të kishte vizituar TRNC dhe se heqja e embargos së armëve rriti vetëm tensionet në rajon. Tensionet kohët e fundit janë përshkallëzuar për çështjen e kërkimit të gazit në Mesdheun Lindor. Greqia ka kundërshtuar kërkimet e burimeve të energjisë nga ana e Turqisë në rajon. Zgjidhja e problemit të Qipros mbetet një “çelës” për uljen e tensioneve në Mesdheun Lindor.
Burimi:Anadolu Agency|Përktheu dhe Përshtati: JOQ Albania
